ЭРЗЯНЬ РАСЬКЕНЬ МОРОНЬ КУЖО
Вирев молян-
Вирев молян, виерв молян,
Чувто керян, чувто керян,
Сока теян.
Сока теян, сока теян,
Пакся сокан, пакся сокан,
Кансть мон видян.
Кансть мон видян, кансть мон видян,
Коцтке кодан, коцтке кодан,
Панар викшнян.
Панар викшнян, панар викшнян,
Кужов лисян, кужов лисян,
Эрзят тердян.
Садо, эрзят, садо, эрзят,
Садо, ялгат, вейсэнь моро
Моратано.
Вейсэнь моро, вейсэнь моро
Моратано, вейсэ, эрзят,
Мазыйтяно
Вейсэ, эрзят, вейсэ, эрзят,
Мазыйтяно,
Вейсэ, эрзят, виевтяно!
Сиренень тюсонь сув (Морави "Сиреневой туман"моронть
мелодиясо)
Сиренень тюсонь сув минек эйсэ копачи,
Велькссэнек вельть вере палы вейке теште.
Кондукторось а капши, кондукторось чарькоди,
Вечкевиксэнь неян, неян меельцеде.
Тон ванат сельмезэнь ды кедьсэть сюворят,
А нейдянок ве чи, паряк,—ламо иеть,
А, паряк, зярдояк мон тонеть а пачкодян,
Кадовсь вейке гайтьке ды мон тестэ туян.
Меельце лембе вал пельдеть, вечкемам, марян,
Ськамот кадовомдо тон пелят—мон неян.
Кадовсь вейке гайтьке, лепии ошонь шалтось
Ды поездэсь ёми сиренень мазый сувс.
ЭРЗЯНКА. Кирдянов Василий
Алтави «Эрзянка» морамонь кужонтень
ЭРЗЯНКА
Козонь чачить тон, Эрзянка,
Монень витьстэ, эрь ёвтык.
Эх, Ирина, эрзянь ава,
Тон седеем калавтык!
Кода ютат монь икельга –
Превень тунь чаракадыть.
Эх, Ирина, эрзянь ава,
Тонь коряс арасть мазыйть!
Череть нолдазь лавтов ланга,
Сельмесэть менелень сэнь.
Эх, Ирина, эрзянь ава,
Сехте вечкеват монень!
Кува ютан, ков а молян –
Тон свал, аштят монь мельсэнь.
Эх, Ирина, эрзянь ава,
А стувтоват тон монень!
Козонь чачить тон, Эрзянка,
Монень витьстэ, эрь ёвтык.
Эх, Ирина, эрзянь ава,
Тон седеем калавтык!
ЭРЗЯНЬ ЭЙКАКШНЕНЕ
Пеедькшнемат
Вирь киява моли эрзянь авине, лавтовонзо трокс ленге керметь.
Мельганзо эскели татар, вансь-вансь - аванть ленгензэ
певерить, сеери:
- Эй, у тибе лыки падут!
Авинесь лоткась, варштызе се тарканзо ды татаронтень пижни:
- Ва, кенгелямот кис езданьдерятан - пряткак лыказеви, аволь
ансяк се!
***
Авинесь пеняци ялганстэнь пакшанзо лангс: "Вай, минекесь истя
тарги, истя тарги - сэрензэ сэви..."
Те шкане вальмалгаст юты омбоце пель сажононь сэрьсэ шабраст
Микатя, пухаи цилимсэнзэ.
Цёрынесь аванстэнзэ: "Авай, зярошка, каня, касоволь Мика
дедась, цилимсэ таргазь сэрензэ аволизе сэвиндеря?"
